影片
更多
2018-07-31
903 浏览
去亲尖沙咀食日本野，行过啲地铺格格价，成日都觉得无几千银都埋唔到单。经过朋友介绍，得知楼上有间唔错气氛嘅日本料理，所以就约咗妈妈放工一齐食饭，慰劳下佢辛苦打理家头细务。由红磡到天文台道8号我谂大概有15分钟路程。上到去，餐厅环境简洁，以木材装修为主，楼顶高予人感觉高尚。但打开餐牌细看，价格又绝非天文数字，最后埋单大概HKD1000，用餐期间嘅服务，以及食物美观同味道总结，我个人觉得算得上物有所值，价钱合理。首先，二人前有一碟头盘分别有汁煮八爪鱼、炸炸蟹 、辣味蒜。卖相美观，味道同处理手法都挺日式。侍应指炸炸蟹系新鲜即炸，开房式厨房个边的确放咗一个缸，里面系细细只嘅新鲜蟹仔。而汁煮八爪鱼，系触须部分切粒再用甜醋汁煮，入口有嚼劲但唔会过韧。其后胡麻菠菜油扬沙律，一款开胃前菜，菠菜带芝麻酱味，而油扬即是日本油豆腐，味道带微甜，两者夹埋一齐食十分匹配。而豚肉炒苦瓜，材料由冲绳出口，所以苦瓜颜色深啲，凹凸纹亦较为明显，有别于本地苦瓜，苦味无咁浓；而鸡蛋使用日本蛋，相对上蛋味浓厚好多，所以一向唔食苦瓜蛋嘅我都接受到。接住梅刺身四点，分别有深海池鱼、金木鲷、平政、帆立贝。个人最钟意池鱼，新鲜唔腥肥美
由红磡到天文台道8号我谂大概有15分钟路程。上到去，餐厅环境简洁，以木材装修为主，楼顶高予人感觉高尚。但打开餐牌细看，价格又绝非天文数字，最后埋单大概HKD1000，用餐期间嘅服务，以及食物美观同味道总结，我个人觉得算得上物有所值，价钱合理。
首先，二人前有一碟头盘分别有汁煮八爪鱼、炸炸蟹 、辣味蒜。卖相美观，味道同处理手法都挺日式。侍应指炸炸蟹系新鲜即炸，开房式厨房个边的确放咗一个缸，里面系细细只嘅新鲜蟹仔。而汁煮八爪鱼，系触须部分切粒再用甜醋汁煮，入口有嚼劲但唔会过韧。
其后胡麻菠菜油扬沙律，一款开胃前菜，菠菜带芝麻酱味，而油扬即是日本油豆腐，味道带微甜，两者夹埋一齐食十分匹配。而豚肉炒苦瓜，材料由冲绳出口，所以苦瓜颜色深啲，凹凸纹亦较为明显，有别于本地苦瓜，苦味无咁浓；而鸡蛋使用日本蛋，相对上蛋味浓厚好多，所以一向唔食苦瓜蛋嘅我都接受到。
接住梅刺身四点，分别有深海池鱼、金木鲷、平政、帆立贝。个人最钟意池鱼，新鲜唔腥肥美，口感软身；而金目鲷由于有炙烧过，所以有微熏嘅味道，入口肉质细腻，油脂适中。平政就鲜味较浓郁，入口比前两款刺身结实啲且爽口；帆立贝表现较为平常，新鲜肥美带甜。
未几再泥一盘串烧拼盆，分别有鸡翼、鸡软骨、鸡心、 牛肉、鸡润、鹌春蛋、大葱、露旬。相对上较浓味，所以可以渣一啲柠檬汁上面，会无咁油腻。牛肉串烧得相当不俗，面上一层蒜，入口非常浓郁野味，而且熟透程度刚好，肉质有嚼劲但唔会过韧。
片刻，冲绳豚肉野菜炒面到达，三色椒令整体卖相更吸引，入口味道极接近日本风味嘅炒面。稍微了解过日式家庭炒面做法，所以得知会使用中浓酱汁调味，食得出炒拉面带微酸且甜甜咸咸，再铺面一丝丝嘅系干红椒丝，夹住炒面食就会有极微辣嘅效果，而少许芝麻再令整体香一啲。想试正宗日色炒面，觉得呢间做得唔错，可以一尝。
最后以甜品作结，卖相摆放得十分精致。白玉丸子配红豆蓉，两者十分匹配，如果只单单食红豆蓉会太过甜，一齐食就刚刚好。而绿色十分特出嘅系芒果分子料理，口感有趣，外面一层包住内里绿色嘅流心馅，入口系芒果口味，香甜带微酸，整件事十分新奇。
再总结一次，以上体验总值大概HKD1000左右落楼，极饱肚。所以与尖沙咀地铺或铜锣湾上楼日式料理店嘅价钱相对比下，呢度可以话系相当难得。而且楼上气氛相当不俗，因此唔洗等周年纪念，个人觉得呢度作平常晚饭都相当可以。
张贴
