山旮旯 (已結業)

放左工之前同同事系铜锣湾食饭，系附近揾到一间有特色既餐厅。个阵两点几，可能因为餐厅位置唔就脚，所以就得两桌人。但对于想静静享受气氛既人黎讲就岩晒。当日点左一个set lunch ，包一碗餐汤+炸芝士鱼腐？（我都唔知系咩，但有鱼腐或鱼蛋既口感，中间有芝士🧀，好食）同餐饮。个餐汤几好饮，好有浓郁感，口感有啲似好薄既薯蓉，上面仲加左啲应该系橄榄油，所以会好滑。配系隔黎既炸物都好特别，中间包住芝士，对于钟意食芝士既我觉得不错！我叫左个all day breakfast（$128+1）。一上到桌就觉得劲靓，所以即刻打卡。个全日早餐好丰富，有一个香脆既牛角包🥐、（佢唔系松软，而系偏脆，我几钟意）火腿（偏咸）、砌左花既烟三文鱼、炸薯饼、有芝士🧀系中间既香肠（几好食）、炒蛋🍳（正常发挥）、半只蕃茄🍅、啡菇🍄、沙律菜同茄汁豆。食完之后非常饱🤰🏻🤰🏻所以饮番杯玫瑰花乌龙。总括而言，餐厅有格调，气氛好好，播住音乐会觉得好舒服，适合三五知己聊天。野食都好好食，但餐牌上既lunch set大多都一百蚊左右，对于长期粮尾既我，觉得有点小贵。但野食同环境都对得住个价钱，所以都算值得。👍👍🤓