影片
更多
2019-10-11
78 浏览
今日放工后要出尖沙咀买野，于是就约埋朋友一齐食晚餐，一如以往都系参考网上食评去挑选餐厅，今次就挑选左呢间位于棉登径街尾「Brick Lane Gallery」，我相信如果唔系上网睇到的话，该个位置根本就唔会专登行入去睇下有咩食。经店员介绍后，点选了两份头盘，两份主菜及两杯饮品。巴马火腿配蜜瓜 $98：我本人十分喜欢这个配搭，基本上每次到西餐厅食晚饭，如果menu上有的话就一定会叫。蜜瓜清甜，令到巴马火腿咸味冇咁重，如果分开食，我自问就受唔到火腿种咸味。烤虾及带子菠菜沙律 $138：带子烧得好爽口而且带点烧焦味，烤虾调味亦恰当，咸中带些黑椒的微辣，菠菜沙律上的酱汁酸味令人开胃。安格斯肉眼扒 $298：呢一块五成熟肉眼扒简直系无可挑剔，肉汁丰富，肉身有口感但唔会好韧，而且肥膏位散发出的油脂非常丰富，入口即溶。海鲜意大利饭 $238：海鲜有大虾，青口，三文鱼等等，全部都没有overcooked，可见厨师是绝对有水准的，因为海鲜真系好容易煮到过熟变得太韧。意大利饭的味道第一口食落有点奇怪，，味道真系唔太识形容，咸中带酸，但系食下食下又觉得几好味。Honey Ginger Tea Latte $
今日放工后要出尖沙咀买野，于是就约埋朋友一齐食晚餐，一如以往都系参考网上食评去挑选餐厅，今次就挑选左呢间位于棉登径街尾「Brick Lane Gallery」，我相信如果唔系上网睇到的话，该个位置根本就唔会专登行入去睇下有咩食。经店员介绍后，点选了两份头盘，两份主菜及两杯饮品。
巴马火腿配蜜瓜 $98：我本人十分喜欢这个配搭，基本上每次到西餐厅食晚饭，如果menu上有的话就一定会叫。蜜瓜清甜，令到巴马火腿咸味冇咁重，如果分开食，我自问就受唔到火腿种咸味。
烤虾及带子菠菜沙律 $138：带子烧得好爽口而且带点烧焦味，烤虾调味亦恰当，咸中带些黑椒的微辣，菠菜沙律上的酱汁酸味令人开胃。
安格斯肉眼扒 $298：呢一块五成熟肉眼扒简直系无可挑剔，肉汁丰富，肉身有口感但唔会好韧，而且肥膏位散发出的油脂非常丰富，入口即溶。
海鲜意大利饭 $238：海鲜有大虾，青口，三文鱼等等，全部都没有overcooked，可见厨师是绝对有水准的，因为海鲜真系好容易煮到过熟变得太韧。意大利饭的味道第一口食落有点奇怪，，味道真系唔太识形容，咸中带酸，但系食下食下又觉得几好味。
Honey Ginger Tea Latte $48：这杯latte非常适合我这个唔饮咖啡人士，蜜糖的甜味配上姜的辣味，加上牛奶，的确会令人饮落有种精神起劲的感觉。
张贴
