影片
更多
2023-08-24
29 浏览
最近都食唔少居酒屋，但系做到好有日本气氛嘅其实唔多㗎😆 今日试咗一间充满日本居酒屋feel嘅餐厅串カツ専门店 JunG 39 Japan，位于铜锣湾轩尼诗道永光商业大厦，主打串炸之外，其他嘢都好出色，连调味酱都好出色😆 佢嘅Soba Miso真系超超超正， 一定要同大家开心share😎餐厅一入到去好有日式居酒屋feel，餐厅职员非常友善，又有日籍厨师主理，我哋好彩可以安排喺吧枱，见到厨师们不停制造唔同嘅美食俾人客，都系一种享受🤩串炸唔可以一次过叫太多，我觉得每次叫十支以内，咁先保持到新鲜热辣😆🌟蕃茄猪骨浓汤牛肠锅牛肠系澳洲牛和，都有十几嚿，想赞下个汤真系好好味🥰 配埋少少明太子，味道更出。另外芽菜非常好食，配埋少少七味粉同埋好特别嘅Soba Miso，100分👍👍 呢个Soba Miso 真系好好味，每一碟菜加少少酱都好好味，一定要试呀😍🌟炸春菜船配味噌酱肉茄子🍆做出嚟嘅船，上边装满不同炸咗嘅食材，包括有粟米芯， 茄子，鳗鱼等等，新鲜热辣，连茄子船都食埋🫢🌟铁板奄列芝士小丸子芝士奄列上面有4粒墨鱼丸，配埋少少明太子酱更加咸香，芝士蛋有少少焦香非常好食，墨鱼丸配少少Soba Miso，好
餐厅一入到去好有日式居酒屋feel，餐厅职员非常友善，又有日籍厨师主理，我哋好彩可以安排喺吧枱，见到厨师们不停制造唔同嘅美食俾人客，都系一种享受🤩
串炸唔可以一次过叫太多，我觉得每次叫十支以内，咁先保持到新鲜热辣😆
🌟蕃茄猪骨浓汤牛肠锅
牛肠系澳洲牛和，都有十几嚿，想赞下个汤真系好好味🥰 配埋少少明太子，味道更出。另外芽菜非常好食，配埋少少七味粉同埋好特别嘅Soba Miso，100分👍👍 呢个Soba Miso 真系好好味，每一碟菜加少少酱都好好味，一定要试呀😍
🌟炸春菜船配味噌酱
肉茄子🍆做出嚟嘅船，上边装满不同炸咗嘅食材，包括有粟米芯， 茄子，鳗鱼等等，新鲜热辣，连茄子船都食埋🫢
🌟铁板奄列芝士小丸子
芝士奄列上面有4粒墨鱼丸，配埋少少明太子酱更加咸香，芝士蛋有少少焦香非常好食，墨鱼丸配少少Soba Miso，好夹🤩🤩
开始食串炸，黎两杯嘢饮先，估唔到呢度有泡沫啤酒，一定要试下，仲有好多味道拣🤩🤩
🌟蜜糖味泡沫啤酒
上面白色好似雪糕嘅系冰咗嘅啤酒泡，香港都唔算好多地方有得饮，我劲钟意，呢个味道充满蜜糖味，几得意😊
🌟巨峰提子梳打
去日式居酒屋配杯巨峰提子梳打都系好合理嘅，爽😊
今日叫咗大约20种串炸，无论蔬菜，海鲜，肉类都有， 餐厅会跟个酱汁俾你，不得不提就系厨师炸得 好好， 外面好干脆，冇多余嘅油，粉浆紧贴食材，唔会甩皮甩骨，非常高质👍👍 由于叫得太多喇，我拣咗其中几个，认为好值得推介嘅俾大家🤣
🌟日本鸡蛋猪肉串
猪肉包住日本鸡蛋， 鸡蛋系流心状态，除咗打卡靓 ，味道都好正😊
🌟鸡柳拌紫苏
紫苏有一种独特嘅香味，配肉类非常之夹😍
🌟沙椎鱼
够新鲜，肉质都爽，新鲜热辣，小心辣亲😌
🌟牡蛎猪肉卷
非常好食，牡蛎同猪肉竟然咁夹，值得encall🥰
🌟芦笋猪肉卷
串烧必点项目之一， 串炸都一样咁好食👍
🌟莲花根
即系莲藕，厚厚嘅一旧好有质感😌
🌟卡门贝尔芝士
串炸嘅炸芝士第一次试，香脆嘅炸粉配软骨嘅芝士，冇唔食嘅理由😎
餐厅既美食其实仲有好多，包括刺身同埋一啲烧物等，样样都好似好正😎 不过最正系用餐嘅氛围，真系好日本，好好feel。 餐厅主打嘅串炸真系冇失望，无论朋友聚会，情侣约会或者放工后同同事聚餐都系一个非常之好嘅地方，一支炸串一啖酒，开开心心咁就一日㗎喇，真心推介🥰
张贴
