花花世界. (已結業)

讲左咁耐终于上黎食 Lunch 试，门口有玫瑰香薰，加上成个场既布置感觉好浪漫🌹女士一定忍唔住影多两张相。睇过评过上菜会慢，所以叫完慢慢影，但意外地上得快，可能人唔多，星期日午餐时间只有两三台客，食食下开始有啲人入座～食物一齐上，啲餐具靓到少女心爆发，食物如何呢？三文鱼奄列沙律，原来连沙律汁都冇😮 唔清楚俾漏定点，问侍应既话会俾一兜黑醋汁，朋友觉得三文鱼好食～我感觉份量较少，可能归类为小食关系吧。我既系 Lunch set 有餐汤—磨菇汤。尚可接受，太密集一粒粒既口感搞到饮既时候觉得有少少拗口唔顺喉，附上既“汤”匙好 cute 呀，但饮汤真系用唔著😂这是搞咖啡用的吧？卡邦尼意粉—卖相唔错，味道不过不失，香草粉冇咩味道，正常一上台要趁热食，等多阵冻左少少就结埋一旧旧。玫瑰咖啡—卖相又几好，饮到有玫瑰味但咖啡味道好淡…最后谂住食完加多件蛋糕，原来系冇一件件卖，一定要成SET，如果可以加一件件就好～侍应态度OK，卫生一般，入座时台面好多一粒粒未清理好既食物碎屑～欣赏佢用心既卖相。人唔算太多，当日坐左一个几钟多，同姊妹边倾边食气氛，都接受到，有机会会试下佢Ｄ甜品。