影片
更多
2023-06-14
156 浏览
一上到去就会见到有啲灯笼、佛教元素嘅装饰，一边系酒吧，隔壁就系居酒屋。入到去环境好舒适，柔和嘅灯光加埋音乐，超适合约朋友黎倾计饮番两杯。另外佢地仲有设户外座位（可吸烟），偏向度假风，每枱都会有风扇，夏天都唔怕太热。室内都室外完全两个感觉，打卡一流！呢到嘅Signature Cocktail都几特别，会有一啲未试过新颖嘅配搭，而且每一季嘅酒款都会转，俾到新鲜感客人，大家不妨试下。店员亦都好NICE，可以叫佢地推介，即使酒牌上冇亦可以问下可唔可以特调，超赞！Heaven Hana $158★★★★★呢杯绝对系打卡必选cocktail，杯身沾有玫瑰花瓣，加埋淡粉红颜色酒，满满仪式感！味道亦超易入口，即使系酒精初哥都唔怕。呢杯Cocktail个Base系用Sake，加左玫瑰、薰依草同樱花糖浆，饮落有花香味，再加左梳打，饮落有气就更加易入口。Yama-tini $138★★★★☆Sake为主要酒精加上Wasabi，超级创新嘅想法，入口先有Wasabi嘅味道，之后再有少少Sake味，因为有Cointreau同蜜糖，有后带少少果香甜味，中和番Wasabi个辛辣感。饮完呢杯酒有种食紧日本野刺身嘅感觉，
一上到去就会见到有啲灯笼、佛教元素嘅装饰，一边系酒吧，隔壁就系居酒屋。入到去环境好舒适，柔和嘅灯光加埋音乐，超适合约朋友黎倾计饮番两杯。另外佢地仲有设户外座位（可吸烟），偏向度假风，每枱都会有风扇，夏天都唔怕太热。室内都室外完全两个感觉，打卡一流！呢到嘅Signature Cocktail都几特别，会有一啲未试过新颖嘅配搭，而且每一季嘅酒款都会转，俾到新鲜感客人，大家不妨试下。店员亦都好NICE，可以叫佢地推介，即使酒牌上冇亦可以问下可唔可以特调，超赞！
Heaven Hana $158★★★★★
呢杯绝对系打卡必选cocktail，杯身沾有玫瑰花瓣，加埋淡粉红颜色酒，满满仪式感！味道亦超易入口，即使系酒精初哥都唔怕。呢杯Cocktail个Base系用Sake，加左玫瑰、薰依草同樱花糖浆，饮落有花香味，再加左梳打，饮落有气就更加易入口。
Yama-tini $138★★★★☆
Sake为主要酒精加上Wasabi，超级创新嘅想法，入口先有Wasabi嘅味道，之后再有少少Sake味，因为有Cointreau同蜜糖，有后带少少果香甜味，中和番Wasabi个辛辣感。饮完呢杯酒有种食紧日本野刺身嘅感觉，顺带一提，虽然要打卡，但衬冻饮味道更好，常温会难入口。
Arhan $148★★★★☆
超级特别以花雕酒为主，平时用黎煮野食就听得多，整鸡尾酒真系少听闻。呢杯酒味会比前面两杯重手，但入口都唔会好难接受呛喉，加左青瓜、青苹果同青柠汁，饮落仲系带啲清新微酸，越饮越顺口嘅一杯。
French 75 $118★★★★☆
右手边呢杯就比较上Classic，用左GIN、柠檬汁、香槟黎调，味道上偏酸，又唔会好重酒精，比较清爽，加上有香槟，饮落有气更啱夏天饮！
Gin-Gin Mule $118
★★★★☆
左边呢杯甜味会比上一杯重啲，但超级清新，酒味同样唔太重，有青柠汁加埋姜啤，成件事劲refreshing！
日式小食★★★★☆
因为隔离系居酒屋关系，呢到小食都会较特别，有啲日式小食供应，炸物、串烧𩠌酒一流！而且份量唔会太大份，用黎小酌两杯刚刚好。
椒盐软壳蟹 $88软壳蟹已经分好细件超方便食，食落超级酥脆，炸物唔会太厚，冻左都唔会淋哂。再外加洒左椒盐，食落更惹味，超推荐！
鳗鱼烧饭团 $48超级日式，外面甜甜地嘅咸甜酱油，光到脆口微焦，入面嘅饭就软糯加埋鳗鱼，非常唔错。
明太子玉子烧 $48一上枱就见到超级精致，玉子嫩滑度刚刚好，加埋超多明太子，同铺面嘅超细葱花，入口劲丰富，趁热食一流！
日式冷豆腐 $48
入口软滑豆腐加左柴鱼花、嫩姜、紫苏细丝同埋日本酱油，令到本身平平无奇无味道嘅豆腐有经典日式风味。清爽得黎够light，但味道丰富，超适合夏天嘅一道清凉小菜。
味淋鱼干 $98唔洗多讲，绝对系必点下酒菜，鱼干用左味醂腌后烘干，超酥脆香口，单食或者点埋沙律酱都一流。
🌟总括：鸡尾酒几特别同创新，有惊喜，小食有水准。环境舒适，适合打卡。同一般酒吧唔同，室内唔会乌烟瘴气混杂，几适合女仔黎吹水打卡，绝对会再黎。
张贴
