Gochi (已結業)

Gochi系大叔的爱嘅取景点，但热潮好似已经过咗，所以人唔多。餐厅坐得舒服阔落，气氛有情调，灯光昏暗，有背景音乐，少浪漫，好适合情侣。*野菌烟肉薄饼 $198薄饼铺满切片大啡菇，底下铺满拉丝mozzarella芝士同意大利烟肉，咸咸香香，整体味道融合。薄饼边有微微嘅焦脆，唔会焗到过干，但未够面粉香。牛肝菌猪颊肉意大利粉$158意大利粉虽然唔系手工意粉，烟韧度恰到好处。酱汁系浓厚嘅白汁，带有猪颊肉油脂香，配上各种野菌同牛肝菌，味道浓郁，但酱汁食到最后太过杰。