影片
更多
2017-02-06
24372 浏览
有时食嘢除左系食个味道之外，其实个气氛都几重要，呢间餐厅喺呢度我谂冇10年都有八年，我途中食过大概三次左右，当今次系第四次啦，印象中嘅味道唔系话十分之突出，但系食物款式系比较特别。今日我冇拣到呢度最出名嘅菜式，例如炸猪手或者墨鱼面，反而拣咗啲我之前冇食过嘅𩠌。包括鸭汁荷叶饭，泰式奶油大虾，芋头蟹，花雕醉鸡煲，黄金蚝同埋粟米肉粒羹。由最简单嘅粟米肉粒羹，讲起其实味道就冇乜特别，系普通嘅味道，但就偏咸。泰式奶油大虾食落去嘅就似泰式红咖喱味道，唔辣，奶油味重，椰味重，大虾就应该系用咗大头虾。肉质都算爽口，系圆身形嘅大头虾。另外配嘅猪仔包，比个主菜更加好味，热辣辣，外脆内软，小小汁食更好。呢个芋头蟹都系时价，问咗系膏蟹，系一只一只计，咁我哋呢一只就有一斤半，价钱系＄550，其实价钱系贵左啲，但系又想试吓芋头蟹究竟系乜嘢味道。咁佢嘅味道就系咸芋头味同埋蜡味比较重，芋头就已经煮到好软，如果想揾一件件嘅芋头来食，你就只有两三旧。大部份都系芋蓉，一般仲加左啲润肠同埋腊肠嘅粒粒，所以佢哋嘅味道都比较重。老板介绍一定要用佢𠮶块脆多士点上黎食，咁样食落去又唔会制，又食到唒d芋蓉。佢呢个膏蟹嘅膏尚算好多，系硬
今日我冇拣到呢度最出名嘅菜式，例如炸猪手或者墨鱼面，反而拣咗啲我之前冇食过嘅𩠌。包括鸭汁荷叶饭，泰式奶油大虾，芋头蟹，花雕醉鸡煲，黄金蚝同埋粟米肉粒羹。
由最简单嘅粟米肉粒羹，讲起其实味道就冇乜特别，系普通嘅味道，但就偏咸。
泰式奶油大虾食落去嘅就似泰式红咖喱味道，唔辣，奶油味重，椰味重，大虾就应该系用咗大头虾。肉质都算爽口，系圆身形嘅大头虾。另外配嘅猪仔包，比个主菜更加好味，热辣辣，外脆内软，小小汁食更好。
呢个芋头蟹都系时价，问咗系膏蟹，系一只一只计，咁我哋呢一只就有一斤半，价钱系＄550，其实价钱系贵左啲，但系又想试吓芋头蟹究竟系乜嘢味道。
咁佢嘅味道就系咸芋头味同埋蜡味比较重，芋头就已经煮到好软，如果想揾一件件嘅芋头来食，你就只有两三旧。大部份都系芋蓉，一般仲加左啲润肠同埋腊肠嘅粒粒，所以佢哋嘅味道都比较重。
老板介绍一定要用佢𠮶块脆多士点上黎食，咁样食落去又唔会制，又食到唒d芋蓉。佢呢个膏蟹嘅膏尚算好多，系硬身的。芋蓉入边会有好多膏跌左出嚟，所以一定要食埋佢啲芋蓉，唔好浪费。
至于呢个花雕鸡，系有半只鸡，不过都几大只，另外仲有十几粒鸡子。只鸡已经预先淹左，所以会有淡淡的酒香。佢嘅花雕汤底有好多药材，如果啱啱开始饮个汤就会觉得只有药香，唔够味，唔系咁好，但系当啲鸡滚得耐，去到尾声嘅时候，成个汤就会变到好好饮，饮完就热辣辣。
佢个鸭汁荷叶饭味道就好似普通蒸饭咁样，唔太特别。但啲饭就整到好淋，好有荷叶嘅香。
平时食咩就食黄金鲜鱿同埋黄金虾比较多，今次就试吓呢一个黄金蚝。虽然系用普通嘅生蚝，但系炸出嚟外面嘅黄金完全包住左只生蚝，咬落去又鲜味。另外俾咗生菜你包住嚟食，减轻油嘅感觉，唔会觉得好漏。
我地一路食一路研究紧，究竟呢度点解每一晚都咁多人，究竟系因为买咗广告呀，定真系咁好食。到最后见到老板行过嚟同你饮酒，然后又表演跳舞又叫大家一齐影相，好识制造气氛，种感觉系乐也融融的感觉，同每一枱都甘fd，真系抵老板赚。
张贴
