Lulu (已易手) 新餐厅

尖沙咀出名多酒吧，间间都各有特色。行完k11，一落楼就见到尼间门口挂住红灯笼嘅酒吧，就俾啲灯笼引左入去😂店入面嘅装饰有少少亚洲风味，例如墙上嘅画，门口嘅灯笼。店入面座位舒适，坐得好舒服。酒吧点可以冇吧枱呀？店中央就系一个U型吧枱，围住中间嘅bar。店入面有几个大电视，坐边一个位都睇到。一睇menu，见到有London pride 尼款喺香港比较少见嘅啤酒，二话不说就叫左。Lulu嘅nuts系坊间大家都买到，好味但唔平嘅零食，用尼送酒真系要食多啲呀！除左饮嘢，都要食下嘢。见佢有少少fusion，就叫返样少少fusion嘅嘢啦—中式猪手。猪手上到枱有返咁上下份量，而且帮我切好左，方便食。猪手表面脆脆，入面似乎系卤水调味，估唔到食落又几夹㖞，系同平时食开嘅猪手唔一样嘅体验。以后又多一间酒吧可以去喇！