微辣大排檔 (已結業)

野食方面都唔错，个冰镇素咕噜肉外皮够脆，我系食完先知佢系素，所以真系好似肉。Yelo 咖喱好有街头风味少少辣，里面有猪皮白鱼蛋箩卜鲜鱿，猪皮同鱼蛋够爽，鲜鱿都好食。个米酒鸡个盖超得意！店员喺盖边淋酒点火，观赏度高。打开煲盖劲香酒味同荷叶味，用炉热住食，荷叶底有葱蒜仲有头先淋嘅酒演变成嘅浓汁，捞饭超好食。鸡肉里面藏左d斋菜，吸哂精华好正！最后食个雪糕格仔饼，卖相同味道ok，系真抹茶味嘅雪糕，一冷一热唔错。话题餐厅唔食过真系搭唔到咀，d装修、餐牌、𩠌名都劲搅鬼。搅鬼得黎又正正经经播返佢地嘅歌，够young而且贯彻返佢地嘅风格。