影片
更多
2023-10-26
1508 浏览
🔸Biergarten🔸🔆酒吧非常近港铁出口，而且巧有气氛，我哋今次book左位，所以有得坐全餐厅得2个的酒桶位，我哋几中意依个位，私隐度几高，同朋友可以畅所欲言。而且佢地嘅Happy Hour仲要做到8点😱，放左工都赶得切啤啤佢！🔆Hefe Dunkel HH$66🐭对啤酒认识唔系好深，唔敢扮专家评论。但啤酒好易入口，顺滑，觉得几好饮。而且咁大杯都只系66蚊，酒吧价真系抵！🔆Bitburger Alcohol Free HH$42就算去到酒吧唔饮酒，都可以揸住酒杯尽兴！都一样有好浓小麦味，味道同普通啤酒无太大分别。🔆Mixed Sausage Platter(杂锦肠仔拼盘) $188依个Platter一共有4款肠同1条酸瓜，都系啲常见嘅德国香肠，唯独系...咦？鸡尾肠？点解你会系到😂 虽然唔知系唔系见识小，有啲惊讶鸡尾肠嘅存在，但普遍啲肠都唔会太咸，但又几送到酒。切成一粒粒，好适合一路吹水一路食。🔆Brezel (纽结面包) $28面包上到枱热辣辣，食落口烟烟韧韧，好有咬口，有小小焦香味，配埋牛油。🐭觉得好好食，有想买几个翻屋企嘅冲动。🔆Cordan Bleu (蓝带鸡排) $210
🔆酒吧非常近港铁出口，而且巧有气氛，我哋今次book左位，所以有得坐全餐厅得2个的酒桶位，我哋几中意依个位，私隐度几高，同朋友可以畅所欲言。而且佢地嘅Happy Hour仲要做到8点😱，放左工都赶得切啤啤佢！
🔆Hefe Dunkel HH$66
🐭对啤酒认识唔系好深，唔敢扮专家评论。但啤酒好易入口，顺滑，觉得几好饮。而且咁大杯都只系66蚊，酒吧价真系抵！
🔆Bitburger Alcohol Free HH$42
就算去到酒吧唔饮酒，都可以揸住酒杯尽兴！都一样有好浓小麦味，味道同普通啤酒无太大分别。
🔆Mixed Sausage Platter(杂锦肠仔拼盘) $188
依个Platter一共有4款肠同1条酸瓜，都系啲常见嘅德国香肠，唯独系...咦？鸡尾肠？点解你会系到😂 虽然唔知系唔系见识小，有啲惊讶鸡尾肠嘅存在，但普遍啲肠都唔会太咸，但又几送到酒。切成一粒粒，好适合一路吹水一路食。
🔆Brezel (纽结面包) $28
面包上到枱热辣辣，食落口烟烟韧韧，好有咬口，有小小焦香味，配埋牛油。🐭觉得好好食，有想买几个翻屋企嘅冲动。
🔆Cordan Bleu (蓝带鸡排) $210
Cordan Bleu系用鸡胸肉卷住火腿同起士，再拎去炸。一切开鸡排，入面芝士就流哂出黎。食落鸡胸肉略鞋同干，而且调味唔系好够，芝士亦唔够咸香。而且依个价钱份量有啲细。
🔆Pork knuckle w/ potato dumplings and bavarian cabbage (德国猪手配薯仔球&酸菜) $238
食德国菜嘅重头戏就梗系食猪手啦！猪手外皮唔系太脆，反而系烟韧口感。成只猪手都好大只同几多肉，味道咸咸香香。不过佢有啲位都几硬同几韧，扯唔开！😂旁边嘅薯仔球就唔系好食得惯，好劲面粉味，唔系太中意。
🔆Pizza Biergarten Style (招牌Pizza) $128
个Pizza 上到枱系好靓嘅金黄色，一睇就知落左好多芝士。饼底系薄身个种，亦比较软身。配料主要就系火腿同巨量芝士，食落偏咸，即刻要饮多2啖啤酒。
🔆总结系气氛好，食物份量普遍都大，价钱几抵，味道就尚可啦，系志在有间酒吧倾下计，饮下酒。🍺🍺
🔆Pleasure指数（满分5粒🤩）
🐭小姐：🤩🤩🤩+0.5
📌地址：尖沙咀河内道5号普基商业中心地舖
张贴
