影片
更多
2009-04-20
25 浏览
今晚系同小公主去庆祝我嘅升职，我今次拣选咗半岛顶层28楼嘅Felix。放工就接咗小公主，跟住喺尖咀塞咗几个字，终于驶到去半岛，一停低架车，酒店嘅职员已经为我地两个开车门，跟住即刻问我："先生，请问去边间餐厅?"，我答道："Felix"，职员跟住回应："知道，Sir"，wow.....比人称呼Sir，真系少有，果然系传统英式高级酒店。之后，我地进入酒店，晓过商场，去到专为呢间Felix餐厅而设嘅Lift，去到已经有一个餐厅职员企喺个reception度，跟住我地住入架 Lift，差不多去到廿八楼时，Lift嘅灯突然调暗咗，营造神秘气氛，一出Lift，行过一条走廊，见到餐厅最入系一个stage嚟嘅，又光又 grand，真系一绝，似系一个舞台多个一间餐厅，又到另一个reception，待应问我地两个，要饮杯嘢先，定系想开始食饭，真系同一般餐厅嘅程序好唔同。佢地安排咗一张近窗嘅枱比我地，所有嘅窗都系落地玻璃，楼底有约三层楼高，气派十足。我地最后决定要两个set - 6-course menu - "The Felix Experience" $888，如果要pairing with wines
之后，我地进入酒店，晓过商场，去到专为呢间Felix餐厅而设嘅Lift，去到已经有一个餐厅职员企喺个reception度，跟住我地住入架 Lift，差不多去到廿八楼时，Lift嘅灯突然调暗咗，营造神秘气氛，一出Lift，行过一条走廊，见到餐厅最入系一个stage嚟嘅，又光又 grand，真系一绝，似系一个舞台多个一间餐厅，又到另一个reception，待应问我地两个，要饮杯嘢先，定系想开始食饭，真系同一般餐厅嘅程序好唔同。
佢地安排咗一张近窗嘅枱比我地，所有嘅窗都系落地玻璃，楼底有约三层楼高，气派十足。我地最后决定要两个set - 6-course menu - "The Felix Experience" $888，如果要pairing with wines就$1288，不过我地另外叫咗一枝白酒
1. Domaines Schlumberger Riesling 2005 - 白酒，几易入口，果香浓郁，感觉好好。
2. Assorted Bread - 有两款面包，一款饼干，面包系法国面包，冇咩特别，小公主喜欢脆脆嘅饼干，我就较喜欢另一款面包，事关面包加有bacon碎喺度，好香，真系好香，而且面包好软熟。
4. Hamachi, Citrus Ice, Cilantro, and Smoked Sea Salt - 油甘鱼刺身，真的好新鲜，上面放咗一旧柑橘味嘅冰同海盐，能够带出鱼嘅鲜味，真系另一种日本以外嘅风味，其他地方我相信未必咁易食到。
5. Foie Gras, Passion Fruit, Pistachio - 鹅肝煎得啱啱好，入面仍然好软，但系有筋，美中不足，配上酸酸嘅热情果汁，同埋三旧酸嘅啫喱，一啲肥腻嘅感觉都冇，而且加有块沾满焦糖嘅脆片，口感丰富，而且亦富有视觉上嘅享受。
6. Spice Crusted Pomfret, Local Pumpkin, Sage Beurre Noisette Broth - 条鱼表面已经舖上一层好厚嘅香草，令到本来只得淡淡鲜味嘅鱼，味道来得丰富，而且加上南瓜同车厘茄做配菜，颜色好夹。
7. Brown Sugar Cured Lamb, Fingerling Potatoes, Chipotle-Mint Jus - 表面煎得啱啱好，入面仍然保然非常鲜嫰，非常juicy。旁边放有两件新薯，不过得一支羊架，份量略嫌少咗啲。
8. Rhuharb-Vanilla Soda - 一杯用嚟清之前食物味道嘅饮品，唔同其他地方用嘅sherbet，有新鲜感，又可以见识多一样新鲜事。
9. Tamarind Mango Confit, White Chocolate Pavlova, Salty Tapioca Creme - 呢个甜品小公主就好buy了，用上一层薄薄嘅白朱古力做外层，入面上层有一堆菜，中层有新鲜芒果粒，下层有一啲叫做Macarons嘅物质，碟面周围仲有用椰汁做嘅sauce，我谂真系唔会喺好多地方食得到，系值得嚟呢度试返次。
10. Coffee & Chocolates - 咖啡系普通货式，不值一提，朱古力算唔错，个人认为卖相吸引过味道本身。
Comments: 待应好pro，而且遵照传统规矩，一定喺我地嘅右手边起菜，真系难得。而且每道菜都花时间为我地悉心讲解。系一次难忘嘅经历，睇得出厨师系𩠌菜上嘅创意，呢份创意，真系值得我下一次有机会再去品尝。下次有机会我希望可以试埋佢地嘅Chef's table，一餐又厨师为你创作为你度身订做嘅一顿晚餐。
张贴
