泰斗 (TKO Gateway西翼)

营业中

休息中

将军澳真系美食汇聚嘅地方！有好多唔同种类、唔同国家料理嘅餐厅系𠮶边～今次去咗间位于TKO Gateway 嘅泰国餐厅食嘢，昏暗灯光、空间偌大同沙发卡位系卖点，而泰式风格嘅装修更显高贵，算系我印象中去过数一数二装潢唔错嘅泰式餐厅O̤̮K̤̮✎ 泰式生虾有7只生虾，好新鲜，亦够冰冻，点埋个辣酱一齐食，辣辣哋，几刺激开胃！✎ 菠萝海鲜炒饭材料有菠萝、鱿鱼、青口、粟米、提子粒、青豆、炒蛋、洋葱、红萝卜粒、姜。伴菜有腰果同肉松。鱿鱼爽口，唔会太烟靭咬唔开，虾咬落粉粉哋，饭湿度适中，唔会太干，食落有浓浓咖喱味，整体嚟讲味道都唔错～✎ 泰式香烧鸡(半只) 表皮烧到岩岩好，金黄色微㶶。鸡皮同鸡肉都几滑嫩，又冇乜肥膏，配埋几酸吓嘅泰式辣酱，劲惹味，食完个口腔都仲留有鸡味(⁎⁍̴̛ᴗ⁍̴̛⁎)✎ 飞天通菜劲新鲜同爽脆，用豆瓣酱煮，好多豆瓣酱汁系底，食落咸咸的，好够味，同时都有少少辣，因为加咗红椒，都几好食～✎ 椰汁西米糕有西米同芋头喺入边，重芋头味，口感冰涷又滑溜，食落又有粉粉哋嘅质感，层次多变。✎ 香芒洛神梳打酸酸哋，香芒同洛神味同时都好浓郁，味道配搭几创新。✎ 薄荷菠萝乳酸淡淡菠萝同乳酸味，反而薄荷味更浓。