米走雞 (昭德大廈) (已結業)

近排又转冷番，心思思又想食鸡煲，见朋友问起又未试过，就带佢黎食呢间啦今次鸡煲就试左中辣，一黎到未开盖已经比阵阵既辣椒味攻上鼻，感觉比以往食过既小辣劲左唔小。麻辣鸡煲一如既往充满玫瑰露酒既香味，上菜时，店员会帮我地点火，变成火焰鸡煲，点完火再焗多阵就食得。中辣比小辣辣左唔小，辣椒干布满成个煲。鸡件好滑，肉多骨细，辣味偏香辣小麻，可能系因为煮果时怕太辣无落哂店铺既辣椒油。食食觉得太辣，店员好贴心咁帮我地加左清汤，加汤后鸡肉辣味小左，反而多左小小清汤既甜味。配料叫左手切本地牛颈脊椎、炸响铃、自制五宝丸、菜同薯粉牛肉同响铃经已成为我食呢间鸡煲既铁脚！咁多次都会叫，水准亦保持到。 牛肉雪花均匀，食完口有咬口，劲重牛味，想入口即溶的朋友可以叫雪花肥牛。响铃则自家炸的，十分香脆。五宝丸内全部是自家手打的，有鲮鱼球、猪肉丸、虾丸、墨丸及牛肉丸鲮鱼球加入左果皮去腥味，其他丸又大粒又弹牙。当中猪肉丸同墨鱼丸我比较喜欢。食到最后唔够饱一定要叫个薯粉，粗薯粉索哂鸡煲既精华，煮一阵就好入味，又辣又香，劲好食！