影片
更多
2015-04-08
13387 浏览
都有一段日子无嚟食涮涮锅喇，近日有朋友揾到间好嘢，位置便利，质素中上，觉得间餐厅做得有弃旧图新之感，吹鸡一声，欣然赴会。地点，就晌旺角雅兰嘅牛气，初时仲以为晌雅兰里面，兜咗个圈，先知门口开晌山东街㖞 。餐厅原来都几大，铺位好深，一室木啡，柔和舒服，卡位占多数，而卡位背做得偏高少少，唔使同隔离枱你眼望我眼。90分钟限时任食，价钱就以拣咩肉类 / 海鲜套餐计，由最平嘅严选美国牛肩肉$158，到最贵嘅极上澳洲和牛牛肩肉$378，一共5个级别，当然，质素就一分钱一分货喇。每一款套餐唔会得一款肉嘅，只喺越贵嘅就提供嘅肉类任食更多。如想食得更抵，午市每位减$40（11:30am-6:00pm，最后入座4:30pm），一喺就宵夜时段，每位减$30（10:00pm-2:00am，最后入座0:30am） 。锅底亦喺一间涮涮锅好唔好嘅重点，牛气嘅锅底共有7款，北海道昆布、蕃茄龙虾汤、博多猪骨汤、昆布辛口地狱汤、韩式辛味泡菜汤、三文鱼味噌汤及寿喜烧甜酱油汤，款款都各有特色 。我哋拣咗寿喜烧甜酱油汤，不过，原来个锅嚟到仲要搞一轮，用啲油脂爆香，加大葱炒，又棉花糖作为寿喜烧嘅甜味，最后倒入混咗酱油嘅寿喜烧
餐厅原来都几大，铺位好深，一室木啡，柔和舒服，卡位占多数，而卡位背做得偏高少少，唔使同隔离枱你眼望我眼。
90分钟限时任食，价钱就以拣咩肉类 / 海鲜套餐计，由最平嘅严选美国牛肩肉$158，到最贵嘅极上澳洲和牛牛肩肉$378，一共5个级别，当然，质素就一分钱一分货喇。每一款套餐唔会得一款肉嘅，只喺越贵嘅就提供嘅肉类任食更多。如想食得更抵，午市每位减$40（11:30am-6:00pm，最后入座4:30pm），一喺就宵夜时段，每位减$30（10:00pm-2:00am，最后入座0:30am） 。
锅底亦喺一间涮涮锅好唔好嘅重点，牛气嘅锅底共有7款，北海道昆布、蕃茄龙虾汤、博多猪骨汤、昆布辛口地狱汤、韩式辛味泡菜汤、三文鱼味噌汤及寿喜烧甜酱油汤，款款都各有特色 。我哋拣咗寿喜烧甜酱油汤，不过，原来个锅嚟到仲要搞一轮，用啲油脂爆香，加大葱炒，又棉花糖作为寿喜烧嘅甜味，最后倒入混咗酱油嘅寿喜烧汤底，个人略嫌「花臣」多多 。
如大多数涮涮锅，点选好指定肉类或海鲜类套餐后，其他嘅配料就可以晌餐厅正中央嘅食物区任攞。有啲咩食?凭印象加相片辅助，尽量写啦，大概有：油麦菜、生菜、墨汁墨鱼丸、豆卜、大葱、银芽、金菇、虾滑、台湾香肠、饺子、三文鱼包心丸、翠玉瓜、炸芋头、白萝卜、蟹柳、蕃茄、冬瓜、芋丝、豆腐、葛丝、粟米、鲜冬菇、韩式年糕、鳕鱼豆腐、云耳仔、龙虾丸、莲藕片、板烧鱼蛋、南瓜、芝士肠、竹轮、娃娃菜、蟹柳、手打乌冬、通粉、薯粉、拉面。
一柜罐装饮品，选择唔算好多，都有多款汽水、啤酒，健康少少，又可以冲杯玄米茶或冻顶乌龙。
此外，较特别仲有三数款寿司「小食」，大可衬汤底未滚起时，顶一顶肚之选。
当有啲朋友食紧鱼生、寿司，甚或乳酪雪糕，小弟就喜欢以沙律嚟开胃。一盘杂沙律菜，加几款配料及3款酱汁，唔可以跟自助餐嘅规模比，但有点醒胃蔬菜落吓肚就够喇 ！
汤底滚起，喺时候起动「涮涮锅」。不过，都顺带一讲佢个「混酱」架步，有日式酱油、酸汁、辣椒萝卜蓉、炸蒜、长葱、辣椒、七味粉、胡麻酱，小弟就特吃爱炸蒜、长葱配胡麻酱 ！
极上澳洲和牛牛肩肉 和牛牛肩肉油花分布平均，如雪花段绵密细腻，放入汤中轻轻一灼，再放入口，满口脂香，又不失肉味。因为片片透薄，唔觉唔觉都多食几块。
极上澳洲和牛牛肩肉
155 浏览
0 赞好
0 留言
严选美国牛肩肉 同样都喺牛肩肉，不过就嚟自花旗国，油花无咁犀利，所以，入口脂香无咁重，但肉味绝不逊色。故此，想叹油脂重嘅，就拣极上澳洲和牛牛肩肉，怕油脂太多，可以拣严选美国牛肩肉，正所谓各有所好。
严选美国牛肩肉
129 浏览
0 赞好
0 留言
特级美国豚腩肉 为免要灼得耐，豚腩肉切得薄到透光，脂肪唔太多，所以多食几片豚腩肉都唔使担心，而且，啲豚腩肉估唔到几嫩滑，配寿喜烧甜酱油汤，效果唔错㖞。
特级美国豚腩肉
99 浏览
0 赞好
0 留言
精选嘅鸡腿肉，虽然喺雪藏货，但意外咁灼过后都滑而不嚡，啖啖肉，滑滑嫩嫩，沾炸蒜搭胡麻酱，非常惹味。
精选巴西鸡腿肉
113 浏览
0 赞好
0 留言
海鲜拼盘 大海虾、纽西兰青口、日本帆立贝、广岛蚝及鱿鱼，海鲜质素不俗，尤其帆立贝鲜甜弹牙，广岛蚝硕大肥美，鱿鱼亦好爽口，大海虾及青口不俗，所以，整体海鲜用料不赖，食完再添。
海鲜拼盘
166 浏览
0 赞好
0 留言
其他火锅料，有好味嘅，亦有普普通通，口味嘅嘢各有不同，晌度唔多讲，等大家当喺寻吓宝，但个人取向就多拣天然食物及蔬菜类 ，始终之前已涮咗唔少肉。
自助食物区旁，发现有盘日式咖喱，正犹豫试唔试之际，身旁嘅店员极力推介，所以，滔一小碗试试。咖喱味颇香，带些甜，配珍珠米的确唔错，不过，唔知喺咪好少客人食，个咖喱热住变得有啲杰，口感就差咗少少 。
日式咖喱
55 浏览
0 赞好
0 留言
见佢啲拉面细细个卷得几靓，色泽又金黄，少试一个，不过，可能又喺放得耐而少人食，好似抽干咗咁，煮好耐都唔散唔腍，之后入口口感差少少，所以，建议店家唔好摆太多出嚟，又或可以用啲透明胶盖冚实，尽量保持番个质素。
拉面
47 浏览
0 赞好
0 留言
甜品
83 浏览
0 赞好
0 留言
张贴
