影片
更多
2016-06-14
1467 浏览
近年大行其道嘅蒸气锅，小弟唔算食得多，皆因食蒸气锅以品尝食物嘅鲜味为主，所以，一间店食材嘅优劣就成为成败关键。早前同食友饭聚，就听佢猛赞依一间「水上人」，仲标以正宗，今晚就嚟到一探究竟喺咪好似食友所讲咁正 。门口仲架起名厨「周中推介」，不过，好搞笑，佢推介唔喺有咩正嘢食，而喺唔同嘅优惠时段，果然鬼马！踏进餐厅，一室装修以竹作为主题，雅致不庸俗，加上楼底高，枱櫈安排唔太逼，所以，感觉阔落舒服。尤其4人卡位，绝对无逼逼夹夹嘅感觉，枱嘅长阔都比一般大 。正如上文所讲，食材嘅质素好重要，当睇到偌大嘅鱼缸，放满唔同种类、生生猛猛嘅海鲜，会唔会令你信心大增呢？此外，鱼缸旁挂上两块大黑板，正正就喺是日时令拣手海鲜，明码实价，童叟无欺。食海鲜，比起散点，叫套餐就易围数。嚟之前都睇过人家嘅食评做参考，所以，心里有数。餐牌一面喺散点食材，另一面就喺唔同级别嘅套餐（全部两位起），我哋就拣个中价位（$398 / 位）嘅B餐 。影埋个酒水牌，俾大家有个参考。不过，一如好多中菜馆，既收花生（每碟$10），又收茶介酱油（每位$28），仲有加一服务费依等传统巧取嘅收费。老实讲，花生都算喇，但茶介酱油就自觉有啲多
门口仲架起名厨「周中推介」，不过，好搞笑，佢推介唔喺有咩正嘢食，而喺唔同嘅优惠时段，果然鬼马！
踏进餐厅，一室装修以竹作为主题，雅致不庸俗，加上楼底高，枱櫈安排唔太逼，所以，感觉阔落舒服。尤其4人卡位，绝对无逼逼夹夹嘅感觉，枱嘅长阔都比一般大 。
正如上文所讲，食材嘅质素好重要，当睇到偌大嘅鱼缸，放满唔同种类、生生猛猛嘅海鲜，会唔会令你信心大增呢？
此外，鱼缸旁挂上两块大黑板，正正就喺是日时令拣手海鲜，明码实价，童叟无欺。
食海鲜，比起散点，叫套餐就易围数。嚟之前都睇过人家嘅食评做参考，所以，心里有数。餐牌一面喺散点食材，另一面就喺唔同级别嘅套餐（全部两位起），我哋就拣个中价位（$398 / 位）嘅B餐 。
影埋个酒水牌，俾大家有个参考。
不过，一如好多中菜馆，既收花生（每碟$10），又收茶介酱油（每位$28），仲有加一服务费依等传统巧取嘅收费。老实讲，花生都算喇，但茶介酱油就自觉有啲多余，嚟得食蒸锅都会叫嘢饮，再者，蒸海鲜以尝原味为主，唔应该太倚赖太多酱油提鲜，所以，我俾嘅酱油费真喺白蚀俾佢呀。
坐定定等食，因为，近乎每蒸一样食材，都有店员帮忙。不过，食过蒸锅嘅朋友都知，例牌附送粥底，所以，最先送嚟嘅喺做粥底嘅白米同鸡件。
胭脂蚌 每人有3只，大细不一，我等外行人，睇外观跟平常嘅蚬只无咩分别，但蒸熟之后，你就明白何解叫「胭脂」喇。
感觉有啲似北寄贝，尖尖一角带粉红。先试一只乜都唔好点，肉质爽口清甜，最紧要半粒沙都无。之后再试一只沾丁点豉油，鲜味更能突显。
白汁贵妃蚌 我估师傅都喺想俾客人有啲新意，唔好样样都咁寡，所以，垫啲金菇碎之余，仲搞啲创意铺上白汁。
还好个白汁唔算太浓，无抢走蚌本身嘅鲜味，但点都影响咗少少，倒不少简简单单加少少白酒落去，做成一道白酒蒸贵妃蚌，唔知效果会唔会仲好啲。
象拔蚌仔 店员话食依个象拔蚌仔唔使蒸好耐，哗！真咪睇住佢冚番顶「草帽」，转头就话食得，蒸得𠮶半分钟左右。
蚌仔已切成细条，个样好似未熟咁款，真喺信个店员话OK就OK，入口有种好似食紧刺身嘅感觉，清新爽甜，又几好㖞。
奄仔蟹 奄仔蟹虽然细细只，但胜在肉鲜膏香，称之爆膏都不为过，当然，每人得半只确喺唔够喉啦，但高胆固醇嘅嘢少食多滋味嘛！
奄仔蟹
26 浏览
1 赞好
0 留言
波士顿龙虾 是晚海鲜嘅亮点卒之登场，听讲近年波士顿龙虾因产量丰而价位抵食咗，所以，比往常随处都有佢踪影。
将虾身、虾钳一次过拆完肉先食，份外过瘾，尤其只钳，拆咗真喺大大嚿虾肉。肉质确喺爽口弹牙，鲜甜无比，同样，沾丁点豉油，已足够提鲜，不得不赞啲料够新鲜。
波士顿龙虾
19 浏览
1 赞好
0 留言
雪花和牛 食咗几道海鲜食材，轮到红肉登场，咪以为蒸和牛喺咩新奇事，早两年已经曾晌西环嘅季和日本料理试过和牛蒸笼料理，仲喺飞驒和牛。今趟嘅蒸和牛，睇落质素不俗，单睇啲雪花纹，真喺分布得颇平均而细密，非常对办，每位客人有二两，裁出嚟人人有两大片。
原笼放入炉内蒸大概5分钟左右，成品跟普通牛肉无异，但入口软腍富油香，绵绵油润，就算未喺入口即化，都可以讲喺嫩滑无渣。
怪味禾豚肉 明明唔见套餐有包，问个究竟，原来喺推广「加𩠌」，一笼有8块，每块都加上一抹秘酱，少少意外惊喜。
豚肉需要蒸耐少少，不过，都好快有得食。将豚肉卷起一啖放入口，肉质蒸得啱啱好，挺松软，一股「怪味」有啲似沙茶酱，再问店员原本来喺一啲带新疆风味嘅酱料，又真喺几得意。
金蒜蒸胜瓜 套装所包嘅蔬菜就只有胜瓜，是种不过不失嘅取材。整个餐只得一款蔬菜，略嫌单调，但最大问题喺胜瓜唔喺人人都啱食，如果有多一两款蔬菜俾客人拣，就人性化好多。
霸王西施粥 所有「蒸气」食材都食完晒，就喺轮到食粥时，佢哋啲精华落晒入粥，再加入鸡件，个粥唔鲜甜都几咁难。原来个粥都唔喺就咁滚完就算，按个人喜好后加葱花、榨菜及芫茜，增添香气，但最欣赏喺再混入一碗炸米花，立时个粥绵滑得嚟，又有份脆脆口感，好食到饱上颈都要食多一碗。
霸王西施粥
29 浏览
1 赞好
0 留言
西瓜如一般中菜馆咁，以西瓜作为饭后果（成本平吖嘛），无咩特别，只算为点点心意，当然，食完咁多热嘢，片片西瓜可以带嚟阵阵凉意。
整体而言，食得出用料新鲜，份量亦啱啱好，不过，始终一如好多中菜馆嘅漏习咁，收费多多，好似$398嘅套餐，只喺加多罐汽水，埋单每人要近成$500，可是，依个做法相信都无乜中菜馆会愿意打破（注：稻香系嘅酒家好多都唔收依等杂费，但一段时间无帮衬，唔知仲喺唔喺咁）！
张贴
