火鍋隨意門

营业中

休息中

今晚同朋友去左鹅颈桥呢边打边炉，入黎见到满屋氢气球同彩灯嘅装潢好有气氛，枱面放满充满地中海风情嘅餐具，好似去左土耳其咁样，有去左旅行嘅感觉。锅底选左卜卜蚬锅，一上枱系满满嘅烟雾一探锅底，系满满大蚬，充满清酒嘅香味。蚬肉好肥美，一爆壳就食得，d 肉好嫩，而且无沙，蚬都系比人帮手整好好多，街市买嘅蚬d 沙点吐都吐唔清..... 呢度就完全无呢个担心，而且仲嫩滑鲜甜。牛肉拼盘可以试多几款唔同肉类，有A4和牛片，安格斯，牛舌片，和牛粒，仲有比较罕见嘅部位，牛胸尖同牛动脉，真系食得叼钻！份量好足，足够3至4人分享。A4 和牛片，肉味香。珊瑚蚌鲜嫩弹牙，桂花蚌都好新鲜。黄金双拼系咸蛋黄炸鱼皮拼响铃，即叫即制，上枱热辣辣，非常香脆。鱼腐够大粒，肉质够滑，吸收卜卜蚬汤底嘅鲜甜味道。竹蔗茅根嘅容器好靓，地球仪咁，冰冻润甜，够3至4人分享，2款都系火锅必选。地点方便，座位阔落，锅底鲜甜，用料新鲜，选择多，打边炉唔错嘅选择。