茶墨 (已結業)

小店主打水墨风手摇饮品，另外仲有低脂意大利雪糕，各款口味既自家制蛋糕。麻糬芝麻乌龙鲜奶茶：呢杯饮品简直称得上系艺术品，黑白色互相交错著，真系好似一幅水墨画咁，赏心悦目！味道醇厚既乌龙茶底，加入左浓郁既芝麻酱，茶香得嚟又带有丰盈既奶味，配上烟烟韧韧既麻糬，口感非常有层次。 士多啤梨雪糕奶昔：成杯饮品呈迷人既粉红色，仲有一大球雪糕喺杯面作为装饰，见到已经令我心花怒放！奶昔用左低脂意式雪糕 gelato，感觉无咁邪恶，士多啤梨味道酸酸甜甜，奶味浓郁而且好幼滑，仲有饱肚既感觉。富士苹果芝士蛋糕：芝士蛋糕口感松软，中间夹左粒粒清甜既苹果，面层仲铺满芝士碎，清新又好味。总结，手摇饮品款式多，味道创新，店员服务好，下次会再嚟帮衬其他期间限定既口味。