茶墨 (已結業)

喺the one 行到攰攰地，见到有一间可以坐嘅嘢饮舖❤️ 就坐低叫咗嘢饮唞一唞，整嘢饮嘅地方都好透明，所以感觉都几干净卫生！朋友叫左一杯蜜桃冰摇茶，少甜少冰，系清爽嘅口味，蜜桃味唔会好假，有蜜桃嘅清甜味得来好refreshing ，加埋红茶比起水果果汁带多一份茶嘅清爽感～ 蜜桃茶配埋件蛋糕好啱，蛋糕🍰叫左一件富士苹果芝士蛋糕$32， 因为出边天气比较热，所以叫嘅蛋糕口味上面都比较清爽，芝士蛋糕唔会盖过咗苹果嘅清甜味，食得出粒粒苹果嘅口感，口味系出边少见嘅蛋糕味道，同水果口味嘅茶好夹！另外我叫咗一杯呢度嘅招牌，系紫薯铁观音沙冰🍧 $42， 上面有一层绵滑奶泡，唔会奶盖咁厚身，系清爽型嘅奶泡，少少奶香配搭铁观音，几有层次，沙冰少甜之下都几清爽，底下面嘅紫薯同沙冰形成一层层纹理，就系餐厅茶墨咁😆 紫薯味好出，又无芋圆咁滞，温润嘅口感，加埋茶味好夹呢一间有得坐，价钱同出边嘢饮差唔多，经过尖沙咀攰攰哋就可以嚟饮吓💁🏻‍♀️！