茶墨 (已結業)

系商场行街，行耐左自然都会想饮返杯野，叹返下甜品，行经the one呢间茶墨，见到d野饮款式不少，而且又几特别，所以决定同朋友一试。饮品店有少量座位同企位，都唔错的，本身我都想坐一坐饮下野，不过朋友说想把握时间shopping,所以我地都系决定买外卖。我买左杯芋泥茉莉鲜奶绿，颜色好靓味道仲好好，入面有芋泥蓉，甜甜的，带点杰身，好幼滑好好味，啖啖都好香浓既芋泥味。另外茉莉茶都好香，好好饮。我都好钟意杯底仲有好多麻糬，QQ弹弹好好味，好满足，而且都几大杯架，抵饮。朋友点了芝麻乌龙鲜奶茶，黑色既芝麻令杯野饮仲靓，靓到好似水墨画咁，好靓。味道好似系度肉紧好香既芝麻糊咁，好好饮好香浓，芝麻味好重，钟意芝麻口味既朋友都必会喜欢。入面都有大量麻糬，好正。大满足。买野饮仲可以以优惠价加配雪糕或蛋糕，我都加配了一件抹茶红豆蛋糕。抹茶味好重，而且中间仲有粒粒红豆，不错不错。蛋糕质感好实在，好充实的感觉，又唔会好甜，好清新，爽。