粒粒果甜品 (已結業)

喺旺角一带”扫街”食到咁上下都会直落扫埋广华街附近嘅甜品先够皮，呢度正正系甜品兵家必争之地，所以一般嚟讲选择都好多。由于今次想食吓水果甜品，经过就俾呢个水果星球吸引咗我嚟一探究竟。呢度嘅甜品款式都几多吓，我地最后叫咗四个甜品一齐share食：龙珠星球卖相同相片一样，粒粒都系用新鲜水果制成，配埋芒果汁够Fresh，不过对我嚟讲稍为清淡，唔够甜，比较适合追求健康人士水果星球(我觉得似水晶球多d)士多啤梨芭菲，上面嘅士多啤梨雪芭有homemade嘅味道，下面就系Cornflakes+呍呢嗱奶冻+多一层士多啤梨雪芭，配搭出多重口感朋友叫嘅香芒之恋(卖相好靓，手机食先)，不过饮落有d失望，事实上味道唔错，但系咁Rich同杰身嘅甜品如果唔够冰冻嘅话，饮两啖就会有一种容易腻嘅感觉，而且个底仲有奇亚籽...朋友另外再叫一个仙草椰汁芋圆(呢度唔驶排队有得食)，味道的确有惊喜，只系败笔在...我地叫咗冻嘅又系唔够冻(个人喜好冰冻甜品)。虽然呢度舖位细细，但系店内嘅灯光同设计几舒服，地方干净企理，至于甜品方面甜品食得出有用心去做，但系仲有进步嘅空间。