粒粒果甜品 (已結業)

广华街有好多间甜品店我谂大家都知道，最有特色嘅甜品店，目前我只会拣「粒粒果甜品」因为佢哋嘅水果星球系列加上心形窝夫，真系冇几多间甜品店有。水果星球意思系用透明啫喱做既波波球包住粒粒水果，而且生果新鲜，入边仲有啖啖西米同椰果。水果星球（配芒汁西米），超多芒汁窝夫系列亦都系港人最爱，窝夫脆口够热，就算排满晒队，都唔会预先整定放喺度，要客人食到最美味嘅甜品，值得一赞老板嘅心机！窝夫是心形，女仔最爱，加上士多啤梨味，超有少女心，仲有两球士多啤梨雪糕，加上士多啤梨粒。呢度嘅窝夫仲有朱古力味，梗系要叫一个你试吓，朱古力窝夫同样是心形，配两球超浓味的云呢拿雪糕，上面仲淋上朱古力酱，配以多片香蕉拌碟，男仔叫呢个岩哂！最后一定唔可以错过既 瑞士鸡翼（六只）鸡翼大大只又滑，将瑞士汁锁在鸡翼里面，真系食甜品都可以当正餐。