影片
更多
2023-01-02
1440 浏览
藉住除夕佳节🎄，我同朋友就选择去一啲比较有特色嘅餐厅，其中一间就系位于荃湾杨屋道嘅「Cube O - Journey with Seajellies」。我哋想去呢间餐厅好耐，因为海洋主题喺香港唔常见，想帮衬的话，记得要预早订定枱啊⚠️。我记得订枱无耐，上网见到关注组有帖文讲佢，一度令我哋有所却步，不过点都要亲身到访感受先能作准嘅🙈。一到步你未必为意佢系餐厅，无错嘅，因为佢日头的确系一个海洋馆🐠，夜晚先变身成餐厅。门口有块黑幕遮光，揭开行入去就系海洋世界。餐厅嘅座位唔算多，有一边系大枱；而走廊𠮶边就系二人枱，墙壁上会投射水底嘅图像。法式烩杂菜酿波特蘑菇($118)，呢个既系前菜又系沙律🥗，因为有唔少沙律菜。🍄波特蘑菇，即系大啡菇，中间酿咗法式烩杂菜，包括有蕃茄、青瓜、灯笼椒同洋葱等。佢有别于其他餐厅酿芝士或肉酱，所以整体感觉清新。忌廉冬荫功海鲜意大利面($248)，🍝意粉几正，我好钟意个酱汁，冬荫功口味微微香辣，但同时间又有忌廉调和，因此辣度温和🌶，易入口。意粉口感富嚼劲，唯一挑剔嘅地方就系面条比较少。海鲜款式都多，例如有鲜虾🦐、带子、鱿鱼、青口同蚬等，全部都新鲜。香煎比目鱼配蕃茄沙沙($
藉住除夕佳节🎄，我同朋友就选择去一啲比较有特色嘅餐厅，其中一间就系位于荃湾杨屋道嘅「Cube O - Journey with Seajellies」。
我哋想去呢间餐厅好耐，因为海洋主题喺香港唔常见，想帮衬的话，记得要预早订定枱啊⚠️。我记得订枱无耐，上网见到关注组有帖文讲佢，一度令我哋有所却步，不过点都要亲身到访感受先能作准嘅🙈。
一到步你未必为意佢系餐厅，无错嘅，因为佢日头的确系一个海洋馆🐠，夜晚先变身成餐厅。门口有块黑幕遮光，揭开行入去就系海洋世界。餐厅嘅座位唔算多，有一边系大枱；而走廊𠮶边就系二人枱，墙壁上会投射水底嘅图像。
法式烩杂菜酿波特蘑菇($118)，呢个既系前菜又系沙律🥗，因为有唔少沙律菜。🍄波特蘑菇，即系大啡菇，中间酿咗法式烩杂菜，包括有蕃茄、青瓜、灯笼椒同洋葱等。佢有别于其他餐厅酿芝士或肉酱，所以整体感觉清新。
忌廉冬荫功海鲜意大利面
$248
19 浏览
0 赞好
0 留言
忌廉冬荫功海鲜意大利面($248)，🍝意粉几正，我好钟意个酱汁，冬荫功口味微微香辣，但同时间又有忌廉调和，因此辣度温和🌶，易入口。意粉口感富嚼劲，唯一挑剔嘅地方就系面条比较少。海鲜款式都多，例如有鲜虾🦐、带子、鱿鱼、青口同蚬等，全部都新鲜。
香煎比目鱼配蕃茄沙沙($288)，🐟比目鱼大大件，鱼皮煎得香脆；而鱼肉肉质就好嫩滑，仲充满油香，配刁草汁食好夹。伴菜方面亦唔失色，🥔薯蓉好重牛油味，佢保留咗薯粒，以添口感。蕃茄沙沙意外地酸，食完即刻醒晒🍅。
日本炙烧芝士熔岩蛋糕
$158
18 浏览
0 赞好
0 留言
介绍完食物，就讲多少少餐厅嘅主角：水母Jellyfish🐠✨。餐枱旁边系水族箱，入面养住唔同品种嘅水母，我觉得大理石水母最得意😎，好活泼，又似蘑菇。
我隔离枱𠮶啲就系天草水母🌿，触须长长的。
食完八挂行个圈，发现走廊末段转入去有个万花筒位置，有四大条水柱，内里养住月亮水母🌙，大大只，纹理好靓。由于此区四面都系镜，我一度以为有成十几廿条柱🤣。总括嚟讲，平心而论我认为餐厅嘅食物味道不俗👍，价钱确系偏贵，但主题餐厅定价普遍系进取啲吧。服务方面，店员亦都几有礼貌，又会主动提供协助。整晚嘅用餐体验唔错，可以一战，哈哈！由于呢度黑蚊蚊，所以用上电子餐牌📲。
张贴
