逸之燒 (已結業)

逸之烧今晚系元朗揾食，揾到泥呢间位于凤攸南街既日本餐厅—逸之烧。首先佢门面唔错，入面都相当整洁，目测可容纳20人左右。我地事先book左枱，所以1930到就即刻有位！坐低第一件事 ，当然系叫翻两客刺身先啦。我分别叫左剑鱼腩同𫚕鱼刺身，老实讲，自问并唔系咩食家，品尝美食都系靠自己直觉同味觉。而呢两份刺身一食落口，的确系有几新鲜既感觉，尤其系个剑鱼腩，相当肥美。值得一提既系，刺身系用碎冰座著咁上枱，所以凉凉地咁食，更能带出鱼既鲜味。跟住系卷物，我地叫左『吉列虾芝士反卷』。佢一碟有6件，味道都相当唔错。寿司方面，今晚净系叫左『海胆寿司』，寿司军舰之上铺满海胆，一啖摆晒入口，简直系无与伦比。另外，都叫左啲的烧物。包括豚肉荔枝串，豚肉菠萝串同牛脷串。其实三串野都好食，特别系两串豚肉生果串，真系几特别，有好清新既感觉。你以为我地咁就饱？仲未！最系我地仲叫左一客鹅肝多士同黑松露和牛炒饭，两款都好好味。最后埋单加埋一，盛惠$605蚊，价钱算几合理！