手作之店

营业中

休息中

炎炎夏日，喺附近将军澳郊区经过一番攀山涉水后终于返到新都城商场，当然要食返啲甜品慰藉心灵。咁啱经过手作之店，亦都谂起童年回忆之一嘅豆腐雪糕，当然要一试睇下水准仲能唔能够一如以往地好。水豆腐、阿华田、牛乳麦芽阿华田味比起以往有点失色，唔知系咪制作问题，竟然有少少咖啡味出现，阿华田味未够浓郁。反而牛乳麦芽系令人一试难忘，其实同各大超级市场买到嘅阿华田白色装味道相近，亦有啲似好立克嘅感觉，如果一般麦芽饮品爱好者系必定要试嘅味道。市场上亦未有太多店铺能够做到味道同呢两只饮品咁相近嘅口味。而水豆腐味则一如以往地清新，唔会太甜太腻，反而淡淡豆乳味可以一解暑气！份量而言，大球装亦都唔差，一人一球其实已经足够。