萬發海鮮菜館 (已結業)

上星期仲未知道佢地转左地址, 所以去九江街o个间. 星期三又出去长沙湾附近揾男友, 专登去新店帮衬, 去到见到一大班人等位, 好彩我地两个人地可以俾到四人台俾我地, 唔使等, 好野!新店比旧店大得多, 光猛好多, 人手多左, 但系我o系旧店相熟既伙计无做, 真系有d可惜! 新店d台又系密麻麻, 椅子背椅子, 想然之系有几多人帮衬!我地叫左豉椒炒砚, 鸡蛋焗鱼肠, 豆豉爆鸡(半只)同烧乳鸽. 豉椒炒现- 大大碟, d砚又大粒, 正!鸡蛋焗鱼肠- 唔, 鱼肠略为鯹左小小, 落左胡椒粉都系鯹鯹地, 不过上面既鸡蛋就焗得好好味!豆豉爆鸡(半只) - 今次无上次食咁惹味, 仲细碟左, 应该系无半只鸡既份量, 但系都ok!烧乳鸽- 即叫即炸, 皮脆肉甜, 正!食物质量同以前一样咁好, 但系地方大左, 太多人啦, 好嘈o罗! 但系唔紧要, 最紧要食物好食!我地仲叫左四支啤酒, 埋单二百六十几!