芽莊越式料理 (新城市廣場) (已結業)

今日放假，所以同亚妈食晏。亚妈话食越南菜，我记得年初去过湾仔合和果间芽庄越南料理觉得唔错所以再去光顾。果时系午饭时间但唔full，唔使等位。我地叫左藕苗虾沙律。藕苗好爽，但唔知系唔系通涨关系，上次响湾仔食系一只只虾，但今次系开边，同埋得三几只而已。软壳蟹米卷软尚算可以。另外叫左生熟牛肉鸡丝河，牛腱河粉。。河粉好爽滑，汤浓郁和鲜味，生熟牛同鸡丝刚刚好，唔会太鞋。亚妈话D牛腱韧但我觉得OK。唯一美中不足嘅系D汤比较咸，饮完好口喝，希望餐厅可以改善。两个人共食左$230左右。以食物水准同埋餐厅位置黎讲，算系可以接受。但要注意系外卖盒同碗各收$2一个。