味皇小廚餐廳 (已結業)

响公司加班，通常都叫呢间，因为大大份，有汤加饮品，港岛区算抵食，今晚我叫白汁芝士鸡扒烟肉长通粉，加热菜蜜，罗宋汤，可能我哋人多叫外卖，个长通粉来到唔算热，只有微温，所以里面嘅白汁凝固了，不过配料嘅鸡扒同烟肉好多，味道亦好，加番分，不过个红汤一打开即刻觉得唔对路，只有半碗（相片我系未食过影低，可见份量几少）味道亦都香浓，材料亦足，菜蜜来到时也只有微温，（之前已写过，我最讨厌食物唔够热）所以今次有D失望，呢间餐厅我未试过堂食，只试过外卖，水准一向保持得几好，尤其个焗咖哩牛腩长通粉，我嘅至爱，希望今次只系一次性失手！