影片
更多
2010-09-27
7 浏览
平日返工食午餐时间只有一个钟，而芽庄门口条队又成日都咁长，所以近半年都少左帮衬。上个月突登揾个星期六同屋企人去食，点知水准差左咁多。以前喺门口排队有个好勤力既姐姐仔写飞，客人都好有秩序地喺门外等。而家就唔同，不但冇职员理会门外迷茫既食客，顾客更要自行入去餐厅＂报名＂先会有飞；出面根本冇人排队，非常混乱。虽然餐厅入面系有位，但系都要等成15分钟先比位我地坐，真系令人费解。埋位落单时，个个都好似唔得闲帮你咁，真系火都黎。除左服务差左，连食物都好唔掂挡： 越南春卷：个馅味道几好，肉亦切到好碎，不过个皮就炸到唔清唔楚，又厚又唔脆重要系靱既；最差系个鱼露汁，味道教得一塌糊涂，唔咸唔甜唔酸，失败之中既失败。 蒸粉卷：个馅好明显系同越南春卷𠮶个系一样，好好食；个皮都蒸得唔错，唔会太厚；好可惜，冇左个合格既鱼露汁，小弟都好难推介比大家。 烧乳猪：肉质其实几嫩，不过肥膏太多，味道太咸。 软壳蟹卷：软壳蟹炸粉太多，味道淡得黎有少少㶶，再加上个鱼露汁出左问题，如果唔系怕浪费食物，真系唔想食哂碟野。 生牛肉河粉：份量比以前少；味精汤河一碗，胜在牛肉够薄够嫩，攞返d味道分。总结：又贵又唔好食，服务态度欠佳，就算
以前喺门口排队有个好勤力既姐姐仔写飞，客人都好有秩序地喺门外等。而家就唔同，不但冇职员理会门外迷茫既食客，顾客更要自行入去餐厅＂报名＂先会有飞；出面根本冇人排队，非常混乱。虽然餐厅入面系有位，但系都要等成15分钟先比位我地坐，真系令人费解。埋位落单时，个个都好似唔得闲帮你咁，真系火都黎。
除左服务差左，连食物都好唔掂挡：
越南春卷：个馅味道几好，肉亦切到好碎，不过个皮就炸到唔清唔楚，又厚又唔脆重要系靱既；最差系个鱼露汁，味道教得一塌糊涂，唔咸唔甜唔酸，失败之中既失败。
蒸粉卷：个馅好明显系同越南春卷𠮶个系一样，好好食；个皮都蒸得唔错，唔会太厚；好可惜，冇左个合格既鱼露汁，小弟都好难推介比大家。
烧乳猪：肉质其实几嫩，不过肥膏太多，味道太咸。
软壳蟹卷：软壳蟹炸粉太多，味道淡得黎有少少㶶，再加上个鱼露汁出左问题，如果唔系怕浪费食物，真系唔想食哂碟野。
生牛肉河粉：份量比以前少；味精汤河一碗，胜在牛肉够薄够嫩，攞返d味道分。
总结：又贵又唔好食，服务态度欠佳，就算有人请都要三思。
张贴
