民聲冰室 (已結業)

今日系大年初二，喺东大街揾餐厅，难得呢间民声冰室又开，眼见周围嘅茶餐厅都好多人，但系呢间民声冰室得两三台，都知道有啲唔对路，但系记得佢个招牌猪肉饼好味咁就入去试吓啦。叫咗两个𩠌，咸蛋蒸肉饼，价值＄88，蜜味牛仔骨，价值＄98。其实价钱都几贵，但觉得如果好味嘅话都唔介意俾贵少少。等左唔使5分钟，蒸肉饼就上枱啦，水准比以前下降不少，个猪肉糊口，好松散，感觉好唔新鲜，食得出用搅拌机搅出嚟，冇咗弹牙肉质😢7分钟后，蜜味牛仔骨上枱，冇谂过蜜味竟然系咕噜牛仔骨！咕噜汁配三色椒加牛仔骨，被骗！佢啲牛仔骨剩系得啲骨同肥膏，减埋啲骨，应该得三四件肉。个菠萝仲要有怪味， ＄98呢个菜应该价值＄40都冇。整体而言食物质素下降得好紧要，又贵又唔好食。建议想试吓民声冰室嘅朋友，去返大坑𠮶间食好啦。依家真系一试冇回头。