茶木‧台式休閒餐廳 (已結業)

仲记得茶木一开始兴起时我都几钟意去食，但随住佢分店越开越多，净系九龙湾已经有两间，我就觉得佢啲质素开始下降。以前大排长龙，而家已经少左好多人食，呢日我地去到都唔洗等位就入得。餐牌上啲野好似十年如一日咁，冇咩新鲜感，不过都有几样系每次去食都例牌要嗌既。蚝饼同蚝仔泡饭就系其中两样，个泡饭尚可，系个汤较稀唔够浓味，蚝仔亦唔算多。蚝饼就一般，煎得太干又太油，蚝都一样系唔够多。咕噜肉就唔错，钟意佢有几种水果，配搭新鲜。个虾就尚可，虾肉可再弹牙一点。仲有个牛肉面就退步哂，啲面好硬唔入味，盐酥鸡好干又咸。芒果特饮不错，但果茶较酸。