School Food (已結業)

School food 记得呢一间餐厅啱啱开张嘅时候，曾经引起一阵哄动同埋吸引一大班喜爱新派韩国料理嘅朋友去试食，但系热潮过后，今日去到荃湾嘅分店，已经冇咗昔日排队嘅境况，食物嘅质素今非昔比，真系大失所望。韩风午市套餐Oppa 猪肉弹弹凉面$72 一款小食同主菜配甜薯沙律套餐仲免费加送一杯School food特饮添及一客水果杯。首先要赞一赞个面系非常烟韧，个面本身好有嚼劲，猪肉都好入味，烤得几香口，但系个汁非常之油腻。人气组合signature combos都有四款选择，但价钱就会比午市较贵$108红叶花卷(红菜头、蟹肉、紫苏共七件）拼 兵长烤鸡铁锅饭。先讲个花卷，可以用冇味道来形容。个饭颜色好吸引，但系完全系味道欠奉，好令人失望。烤鸡铁锅饭，如果你合上眼，但个饭嘅造型同埋味道，令人觉得好似食紧快餐店嘅快餐一样，合上眼会觉得自己坐系大家乐或者大快活嘅快餐店入边，品质同卖相一般，完全不值呢一个价钱。相信不久将来都唔会再到访。