千両 (MOKO新世紀廣場)

营业中

休息中

今日准时收工去新世纪广场同好耐无见嘅朋友聚一聚，选择帮衬「千両」，因为环境气氛、食物质素、员工服务同价钱收费都属水准以上。因为6:15已经到达，所以两个人都可以获安排坐宽阔嘅卡位，可以坐得比较舒服一啲。 已经嚟过几次多数待应也熟口熟面，服务也算殷勤有礼，服务周到了。点了一客「丰州九点精选鱼生刺身」，鱼生portion 算颇大份，质素不错，既新鲜又香甜，当中包括三文鱼、鲣鱼、𫚭鱼、带子、牡丹虾、赤身吞拿、𫚕鱼同一条大池鱼，种类繁多，$368一客可算相当实惠，就算「元气」、「板长」都未必有咁便宜。另外点了一枝$360 ，720 ml 的「八重山」烧酎，米香甜美，不辛辣也顺喉，值得一赞系斟酒器好有型，亦十分有实用，曾经上淘宝大臣check 过，也要$二千多人仔。因为饮洒嘅关系硬系想食返啲热嘢，叫咗「和牛豆腐煲」，和牛ok...但日本豆腐好重豆味！竟然比和牛重好味！哈哈！性价比高又美味的一餐。