譚仔雲南米線 (偉華中心)

营业中

休息中

不嬲都耐唔耐就黎食下谭仔，但沙田呢间店个汤底真系次次都唔同，有时小辣都辣到食唔倒，有时酸辣完全唔酸，食清汤个味算系最无变啦。是日成班人食，叫左一人一碗米线再加左鸡亦，皮蛋，同白肉。冬菇鱼腐酸辣米线，味道偏淡，而且啲配菜越来越少，腐竹得返两片，韮菜芽菜少左，鱼腐三块，冬菇四片，米线份量都少左。成本上涱所以咁？食完都唔饱……鸡亦三小只要廿几蚊，真系几贵，好味好香口，又真系好难唔叫黎食，今餐唯一一样唔辣嘅野。尖椒皮蛋，虽然好多红油浸住，但系又唔算辣㖞，上面啲切碎左嘅辣椒同芫茜好好味，连皮蛋一齐食哂。蒜泥白肉，又系红油浸住，上面层蒜头好香，食哂不过之后个口阵蒜蓉味真系久久唔散，慎叫。其实白肉本来就系用肥猪肉整，都唔明点解啲人要叫但又拣哂啲肥嘅部份出黎，见佢地食得真辛苦。加埋一人一杯冻饮，埋单要五十蚊个人。