The Night Market (士丹利街) (已結業)

为了避免中环午饭时间大排长龙，与同事12时正，便齐齐出office，黎到the night market 时还有些空位。餐厅有两层，分别是6楼同7楼，按观察，一般6楼会先爆满，所以我和同事通常会直奔7楼。同事是这间餐厅的忠实粉丝，所以我也陪佢吃过好几次。佢每次都必点沙茶牛肉饭，因为钟意食同沙茶牛肉炒埋一齐的通菜。每次黎佢话觉得通菜变得粗糙，牛肉略为老身。而我差不多每次黎都会点唔同菜式，觉得餐厅的招牌炸猪排冇想像中好食，亦较为干。反而左宗棠鸡则有惊喜，酱汁酸甜度适中，而鸡本身油泡程度刚好，做到外脆而肉仍多汁软身。但系每次点亲左宗棠鸡都。等。。超级耐。。。尤其系其他同事的餐都上晒，冇理由要其他同事等埋我先开餐，所以叫佢地食先，我等左差唔多15分钟，只左宗棠鸡先施施然黎到。 我食过左宗棠鸡三四次，今次黎真心失望，依旧等15分钟先有得食，酱汁依旧，但鸡本身虽然热，但毫无口感，应该系炸的时间略为不足，过早混入酸甜酱。如无意外，之后会找机会食多次，但如果水准冇回弹，就真系冇下次。