Hugo Le Resto Grill (已結業)

餐厅系铜锣湾一个唔太显眼既大厦入面，而餐厅灯光微弱，播住英文歌，装修有小小古式，好有西餐厅既格调！餐包佢有2款唔同既包，好特别！而包有烘过，热热地，好脆！美国顶级牛腹肉扒我地叫左7成熟，佢系铁板上，可以保温，唔会食到最后旧肉冻晒，呢一点好细心！佢既牛味都有，但有小小韧，有啲难咬，不过唔算太差！佢配既薯条就新鲜炸起，配埋黑松酱劲惹味！非凡鲜罗勒香草酱海鲜扁意粉佢海鲜种类好多，虾、青口、蚬、鱿鱼等等，份量好足而且新鲜，扁意粉唔会太淋，香料既味道都好丰富！如果无咁油就会更好食！呢度员工态度非常友善，整体黎讲都好好！