影片
更多
2021-06-06
1823 浏览
呢一晚系庆祝父母嘅结婚周年，因为有一段时间未食过高质嘅日本餐，所以就决定系嚟日本百年老店Nadaman 响香港开嘅第一间分店试食铁板烧。是日选择咗 $780嘅 「舞」套餐 (Beef Course)。前菜首先嚟咗个野菜沙律配日本胡麻酱，同埋浸系日式高汤（Dashi/出汁）入面嘅菠菜。个沙律系放系一个冰冻嘅碗入面，所以由上菜到进食期间嘅时间都能够保持低温。同时，所有嘅菜叶亦非常新鲜同埋爽脆，同甜甜酸酸嘅胡麻酱捞埋一齐极之开胃，既有惊喜又好味 😋！另外，个暖暖地嘅波菜系Nadaman 嘅经典前菜，同之前系东京食过嘅都系同一水准，尤其系日式高汤嘅柴鱼味道好突出，实属不错。跟住就上咗第一道铁板烧嘅菜式 —— 大虾 🦐。每人分到三件虾肉、一个虾头 (膏)、同埋压扁咗嘅虾腮，个人认为份量都算OK。虾肉鲜味十足，调味份量亦恰当，唯独是过熟咗少少，所以肉质介乎弹牙同韧时间，还可接受。虾头的膏充满虾油，非常香，好食。虾腮就有啲似日本嘅虾饼，好脆同虾味好足，都唔错。接下嚟嘅就系带子。带子嘅 size 都颇大，算系对得住呢个餐嘅价钱。带子嘅表面上有焦糖化，内里就煮到大概8成熟，同虾一样都系鲜味十足。带子嘅汁
前菜和沙律
28 浏览
0 赞好
0 留言
大虾
40 浏览
1 赞好
0 留言
带子
33 浏览
0 赞好
0 留言
薄切美国牛肉
33 浏览
0 赞好
0 留言
杂锦野菜
34 浏览
0 赞好
0 留言
总括而言，虽然呢个「舞」套餐并冇咩特别嘅山珍海味如鲍鱼、鹅肝或者龙虾，但系大部分嘅食物相对香港其他嘅铁板烧餐厅都更为高质素，亦好过香港岛嘅Nadaman 铁板烧唔少。考虑到酒店安静加上优美嘅环境，以及酒店师傅同埋侍应贴身嘅服务（侍应经常斟茶，茶杯入面从来都唔会冇茶），个人认为$858 p.p. （连加一）嘅价钱都算合理。如果有特别嘅事情要庆祝，不妨一试 Nadaman 嘅铁板烧。
张贴
