意粉 360 (已結業)

话说呢日做完一个present之后，就过左黎呢度食饭。其实我一直几钟意呢间360，因为地方就脚同服务态度唔错架。当然，食物既质素都有番咁上下啦。一个人，都系叫个set lunch就够啦。忌廉汤平心而论，同某只罐头忌廉汤既味道好相似。不过，个汤又唔算太稀既，我都觉得几好饮。始终佢地汤既选择只有菜汤同忌廉汤。脆炸一口猪话说有张免费小食券既其中一个小食，呢个都几好食。个猪柳炸得好脆口，加埋沙律酱，就锦上添花啦。香辣海鲜意粉估你唔到既系，个意粉既汁系比我预期既辣。不过个汁系几惹味既，而海鲜既料都系样样有。当然，每样海鲜既大细系好细粒啦。呢个系预期之内。而意粉都算几烟韧可口，好弹牙。香芋红豆特饮有个staff既介绍，红豆既份量好多。而香芋既味都算几浓，个特饮既味道系配搭得几好。呢餐都唔算太贵，而且食物真系几好食。服务都算唔错，成日有人同你加水。收碟又收得快，好多野都好好。