魚泉日本料理鐵板燒 (已結業)

是日又到铜锣湾鱼泉日本料理吃lunch，无他嘅，食物质素高，服务好系主要原因... 比较赶时间，lunch就拣咗葱花吞拿鱼腩饭，贪佢够简单够快，果然，一碗慢慢吞拿鱼嘅吞拿鱼腩饭送上，卖相已经够吸引，吞拿鱼够新鲜，而且好似唔使钱甘，满碗都系，米饭同寿司米一样，够嚼劲，结果当然系一粒饭都无剩低喇，简单嘅鱼腩饭做到甘嘅素质，确实唔错...每个定食都会送上蒸蛋与面豉汤，先讲蒸蛋，略嫌水分多咗d，不过睇得出系用心之作，用料有虾、瑶柱等等，而且蛋够滑；再讲个面豉汤，够清甜，原来系有只好大只嘅海蚬调味，难怪味道甘清甜喇...饭后有雪糕做甜品，可以选择绿茶味或芝麻味，雪糕比起坊间买到嘅大部分都要好，可以话系perfect ending啊！