火車頭越南餐室 (浣紗街)

营业中

休息中

呢日入到泥大坑行下，见到有唔少cafe同餐厅，但我突然好想食越南河，见浣纱街就有呢间『火车头越南餐室』，就入去试吓。坐低之后就先叫左『生熟牛肉汤河』，另外仲叫埋『香茅牛肉捞檬』、『牛油鸡中翼』同埋『沙嗲鸡肉串』。先讲吓个『生熟牛河』。汤底味道浓郁，牛肉浸熟少少再食，食落都够牛味，肉质都够稔。一次过将汤、粉、牛放入口，真系好味🤤个捞檬都唔错，香茅牛肉几香口，捞埋啲青瓜丝，萝卜丝同汁泥食，酸酸甜甜好开胃。至于啲小食，鸡翼炸到外脆内软，加埋炸蒜趁热食好味。个鸡肉串正常发挥，鸡肉唔柴，沙嗲味道都唔错！