瑞記咖啡

营业中

休息中

环境：瑞记咖啡位处喺熟食中心入面，本身就冇期待坐得好舒服，虽然用嘅系普通折枱胶凳，比唔上出面嘅座位，但系都叫做干净企理。食物：今次试咗鲜牛面同西多士。鲜牛面嘅牛肉就煮到啱啱好，食落几爽口，但系牛嘅鲜味就唔太突出，而个面虽然送上嚟𠮶阵望落已经淋晒，而我比较钟意食硬身啲嘅面，但系食落啲面冇想像中嘅淋，仲有少少面嘅弹性，令我感到有啲惊喜。而西多士我就觉得值得一试，因为佢个多士系即炸，食落几香口，再加上炼奶后都仲食到浸香味，令我回味到茶记/冰室𠮶种熟悉嘅味道。奶茶就系十分经典嘅港式奶茶，好丝滑，而茶味浓郁，回甘嘅味都好足。服务：可能系小本经营，人手略显不足，落单𠮶阵要等比较耐，甚至要自己行过去，而上餐时间就非常耐，可能系厨房比较细同order较多，就令到等餐时间长咗。整体：如果时间许可下，呢间餐厅绝对对得上佢嘅价钱，甚至超越咗，系水准以上嘅餐厅，路过𠮶时可以去一试。