euro go go

营业中

休息中

多分店，加左价钱，水准依然唔错! 下午一点半到，好多人，好彩等左5分钟有位! 台比较细，叫多少少食物都无位摆，位唔宽敞，食完就会好快走，因为真系好多人等!虽然咁多唔好，但食物饮料好味道，自然再吸引客人帮衬!等左10分钟首先黎到系忌廉朱古力(每次都会叫)，忌廉上加左朱古力酱更加靓，钟意甜既我唔怕咁甜，怕甜就唔好叫依杯! 烟肉蘑菇薯蓉好香，面层既烟肉蘑菇再焗多一阵有少少烧焦会更好，不过薯蓉都好饱滞，所以比较少点! 接住系我最爱的蜜糖鸡翼(每次一定会叫)，今次系比较好味，因为上几次系不同分店食过都唔太好味道，今次做番几年前的水准，鸡翼被香甜的蜜糖甜甜的包围著，面层更有少少烧焦，所以更好味，食落无烧焦味，内面完全无雪藏的味道，食几啖再点下盒内的蜜糖，而且大只左! 相反百宝pizza有d失望，食落无咩味，得少量蕃茄味道，加d芝士粉先好味少少，幸好只系点左半份! 最后系吞拿鱼意粉，一个好普通既吞拿鱼意粉，出面西餐厅有d分分钟仲好味d，意粉有d过软! 2个人叫左4样食物1杯饮品都只系$167!