坐忘

营业中

休息中

太耐无食坐忘，依然keep到非常好嘅水准！招牌菜慢煮猪软骨咖哩饭，猪软骨大大旧，淋得黎又入味，骨位煮到变成啫哩状，咖哩够浓微辣，用黎捞饭一流。另外系椰香鸡扒咖哩饭，真系椰香，鸡扒大旧得黎又滑又嫩口，咖哩带微甜唔辣，都好有吸引力～呢到嘅饭系加咗蕃薯粟米粒，再配埋佢嘅配菜，健康得黎都好好味！最后加多个温野菜沙律，睇佢好似一碟白灼杂菜，但佢每种蔬菜都烚得刚刚好，爽口又新鲜，再配合埋佢个3种酱(芥末麻酱系推介，中间嘅茄汁用黎衬佢个外软内爽嘅薯条无得输，最后系花生酱mix麻酱，香口又杰身就咁食都好正)真系一流！