茶木‧台式休閒餐廳 (iSQUARE國際廣場)

营业中

休息中

茶木间唔中都会食，不过次次嚟到都会有惊喜。今次嚟到佢哋又转左新Menu，菜式好特别，真系好值得一试。小食带咗黄金脆炸鸡翼，蛋黄味好重，鸡翼又炸得好香亦都好多肉，加埋仲有炸到好香口嘅莲藕片，虽然系炸嘢但系都唔系好油，一定要叫。另外仲带咗新出嘅乳酪炸鸡扒咖喱饭，面头嘅乳酪汁，好厚身，酸酸地，配埋炸鸡扒令到冇咁油腻，而且饭底系捞埋咖喱汁，成个组合好好味，份量亦够晒多，两个人分会食到好饱。黎到一定要嗌甜品，今次带咗佢新出嘅黑炭流心厚多士，虽然切起嚟食嘅时候卖相唔系咁好睇，但系配上流心嘅酱汁，味道好特别，从未试过，厚多士虽然点左酱汁，有啲软有啲脆，不过真系别有一番风味。