沾仔記麵食 (已結業)

今晚要瑜伽， 所以要食个早饭，免得个胃唔舒服。 左行右行一系就茶餐厅，一系就寿司舖， 忽然眼尾睇到过传统招牌，沾仔记面食， 我决定入去试一试。六点前仲有下午茶，我叫咗个云吞面，阿叔大叫细蓉，回忆即刻返晒嚟， 以前细个冇乜快餐店， 阿妈成日带我去中式面舖食野，成日听人叫细蓉，我仲问阿妈系乜……讲返我碗云吞面，里面有三粒乒乓波咁大嘅云吞， 皮薄馅多， 一粒云吞里面起码有四至六粒细嘅红虾仔，材料新鲜好弹牙， 好耐未试过食咁足料嘅云吞。六点前嘅下午茶餐 ，只系34蚊，又有菜又有嘢饮， 云吞仲要有水准， 路过真系要试一试。