妹記大排檔 (已結業)

劲耐无食大排档，走咗黎妹记大排档～ 劲挂住啲野食！！脆皮炸大肠炸大肠超脆！而且洗得都干净，大肠控必叫！ 鬼马油炸鬼必叫！外脆油炸鬼配上墨鱼胶，再点啲酸甜酱，一流！ 煎蚝饼又系热气之选！蚝饼劲大块，啲蚝大大粒，好香口！黑椒薯仔牛柳粒 够哂黑椒味，薯仔有口感，牛柳粒唔会香口胶咁，好食！椒盐豆腐 啲豆腐劲大旧！配埋椒盐超香口！蒜蓉粉丝蒸胜瓜稍为健康之选，粉丝索哂啲汁好好味，胜瓜蒸得岩岩好，唔会太淋又唔会太硬！ 妹记大排档不嬲都好味，最出名当然系战斗碗，必打卡！但因为当晚无饮酒所以无得打卡～妹记真系食大排档三甲之选～