牛極 (好順利大廈) (已結業)

牛极附近的舖头都转左几次名了，但牛极依然系度无变过，是日好肚饿就走去食下佢个半放题，基本上所有野都系自助，落单、攞沙律、白饭、汤同餐具，客人都好自律有戴口罩，仲系每次都拎够份量就算，唔使抢。块牛肩扒好多就到啦，厨房会预先烧到一成熟左右就放上热石，随自己喜好控制熟度。要左180g份量的，其实都唔细块㗎。个人喜好偏生一点，可以慢慢切定再烧一烧四边就食得，肉嫩牛味浓，真系好好味。想重口味啲就点埋酱料啦，有烧肉汁、辣酱同生蒜蓉，自己就最钟意蒜味。另外必食仲有呢度嘅罗宋汤，浓郁鲜甜，饮左两大碗～椰菜沙律同珍珠饭都好食，呢三样都系无限添加，一定可以食到饱，哈哈。店内冷气十足，抽风亦唔差，食完无一身烧肉味㗎，怕油整污糟仲可以用埋围裙添。