雲來軒 (已結業)

当日系补祝家人生日，4个人都好耐无去过云来轩，一于睇吓过咗几年后水准是否依旧。去到之后，加茶执枱的姐姐好殷勤，但觉得环境好似旧咗啲，讲到底食物最紧要，我哋叫咗一个汤加五个𩠌。个例汤系乌鸡冬瓜红萝卜瑶柱螺头，好好饮，几浓，食唔出味精。金砖豆腐热辣辣，外脆内软，果然系招牌菜🙌🙌窝粑海斑球，米通好松脆，鱼系炸的，外层有一啲酸酸甜甜嘅汁好属于清新型，食到鱼嘅鲜味🤩水芙蓉蒸明虾球咁多年来水准依然，蛋白超级滑，虾好爽，送饭一流👍新会陈皮香酥骨，我个人非常满意呢道菜，唔油腻，好松化，炸粉又唔会太厚，有一少少陈皮伴住好香，可以多啲陈皮就好，就咁食啲肉已经好好食，我连酱都唔记得咗点🤟最后系话梅鸡，用个铁钵上，够晒热，味道不过不失，有啲失望，个汁食唔到梅味，好似冇乜特色。