坤記煲仔小菜

营业中

休息中

半年嚟冇食，今晚食返够本先，如果各位想环境好，服务好的食客，咁就唔使嚟都得啦，因为全店女性都十分十二寸。包括老板娘坤记必食梗系煲仔饭排骨煲仔饭90蚊，头围一般半小时有得食，排骨腌得入味，松化，豉油又调味煑得刚好，呢两年换咗新款瓦煲，煲饭饭焦冇痴底，但又有饭焦，唔太焦，又好味，可以每粒饭都食晒冇浪费。贵妃鸡135蚊半只，D鸡有鸡味又滑，好过好多饭店酒家卖D乜鸡物鸡，老板娘话系新鲜鸡整㗎。豉椒炒蚬80蚊，炒得干身D，但个汁落太多糖，偏甜油浸笋壳鱼110蚊，炸得松脆。好正奉劝各位，想食煲仔饭就必先订位好啲，唔系walk in 冇位就扫兴啦。煲仔饭只做晚市，午市只做碟头饭及小菜。午市经常有游客碰钉白行。