加東叻沙蝦麵

营业中

休息中

今日上环有交收，先去永乐园食只孖肠，再慢慢行去上环地铁站。交收完毕11:30，不如早少少食lunch，孖沙街系前面，就去食喇沙。去到舖头，一个客都冇，直接入去，个店员叫我出去等等，我问佢哋开几点，店员先知搞错咗，以为我系送货🤣🤣，冇办法啦，我当时个look又几似送货😆好快咁就落咗单，一碗喇沙一杯薏米水。几分钟两样都到齐。点解钟意佢地D喇沙，好大原因系因为鲜蛤！香港食喇沙有好多地方，但会落鲜蛤真系少之又少，其实鲜蛤系喇沙个灵魂，唔好睇少个几粒嘢，提鲜作用真系好大，有同冇系两个层次。佢哋D鲜蛤好新鲜，汤都好够味，抵讃👍🏼汤都俾我饮晒，因为太爱喇沙！好高兴佢哋保持到水准，会继续支持。